1ST SUDOKWAN KING CHAMPIONSHIP SA CFS GYM MAKATI

LARGA na ang lahat ng sistema para sa pagdaraos ng kauna-unahang Sudokwan King Championship sa Makati City.

Ayon kay Sudokwan Association president/founder Rene Catalan , Sr.,ang inisyal na bakbakan sa larangan ng sudokwan ay raratsada sa Agosto 30,2025 sa Rene Catalan Fighting System Gym sa 3rd Flr ng CFS na nasa 4008 Yague St. Tejeros, Makati City.

“ Marami na tayong sudokwan entusiasts ngayon sa Metro Manila at karatig kaya inaasahan natin na dadagsa ang ating mga mandirigma sa larangan ng martial arts na sudokwan. Ito ay isang grassroot sports program kung saan ay may mga sudokwan athletes na sa buong kapuluan.Kaya mga ka- sudokwan, sa Agosto katapusan ng buwan…ready na sa bakbakan!”, wika ni Doha Asian Games wushu gold medalist Catalan Sr.