Antonio, Bagamasbad, Mangubat sasabak sa Italy World Seniors Chess C'ship

KAKATAWANIN ang bansa nina Grandmaster Rogelio Antonio Jr., International Master Jose Efren Bagamasbad at FIDE Master Mario Mangubat sa pagtulak ng FIDE World Senior Chess Championships 2025 na gaganapin sa Grand Hotel Costa Brada sa Gallipoli, Lecce, Italy na susulong mula Oktubre 20-Nobyembre 2.

Ang kanilang kampanya ay suportado nina PSC Chairman John Patrick "Pato" Gregorio, Commissioner Ed Hayco at Commissioner Olivia "Bong" Coo.

Aaktong coach at delegation head ay si Filipino at United States chess master Almario Marlon Bernardino Jr.

"Gagawin namin ang lahat muling makapagbigay ng karangalan sa bayan," Sabi ni Bagamasbad, ang 2-time Asian Senior Chess Champion.

Sina Antonio, Bagamasbad kasama si Bernardino ay darako din sa Altea, Alicante, Spain para sa paglahok sa 3rd Cap Negret Senior Open chess championship mula Nob.8-16.

Umaasa naman sina Antonio, Bagamasbad, Mangubat at Bernardino na maaprubahan ang kanilang application sa Italian Embassy para sa pagkuha ng Schengen visa para makalahok sa nasabing kumpetisyon na full support ni NCFP chairman/president Prospero "Butch" Pichay Jr. DANNY SIMON

NCFP chairman/president Prospero "Butch" Pichay Jr., PSC Chairman John Patrick "Pato" Gregorio at GM Rogelio Antonio Jr. (Photo by MB)