December Treat ng Catalan Fighting System at si Marlon Bernardino

YEARENDER na bakbakan ang inihahandog ng Catalan Fighting System (CFS) sa ika -47 edisyon ng Philippine Encuentro Championship- Search for more Filipino Heroes na sasambulat sa Disyembre 13, 2025 sa Makati City.

Ayon kay 2006 Asian Games Doha wushu gold medalist Rene Catalan- founder ng CFS at Sudokwan Inc.,tatampukan ang bakbakan sa Kickboxing Super Fight nina Ilonggo bet Edelmark Catalan kontra Cebuano Anthony Rey Divinagracia na susundan ng Boxing Super Fight sa pagitan nina Manileña Jessa Rivera vs Ilongga Jerilen Java (unfortunately injured at hinahanapan pa ng makakatapat).

Kambal na Main Events naman ang eksplosibong matutunghayan kina Caviteno Wayne Villones kontra mapanganib na Jimmy Balderas ng Dumaguete sa Mixed Martial Arts( MMA) at Boxing Mainers nina Uragon Erwin Huen mula Bicol kontra Cebuano Kenneth Cyril Toledo.

Ang naturang bakbakan ay raratsada matapos ang pagdiriwang ng SUDOKWAN INC. 3rd Year Anniversary.

" Tinatawagan natin ng atensiyon ang martial arts community na saksihan at suportahan ang ating Philippine Encuentro Championship- Search for more Filipino Heroes #47.Bakbakan pa more!," wika ni Catalan sa panayam.

*****

Chess Writer/ Player Marlon Bernardino

WISH ng kilalang Chess player at tsokaran sa writìng fraternity na si Marlon Bernardino na ang speedy recovery para hayahay ang Pasko niya at buong pamilya.

Si Master Marlon ay naka-confine ngayon sa Mandaluyong Medical Center sa Mandaluyong City sa karamdamang cellulitis dahilan ng pangingitim ng paa at susuriin kung normal pang dumadaloy ang dugo rito.

Pangamba niya ay baka magresulta ito ng amputation kaya taimtim ang dasal niyang di ito mangyari at mabuti na lang ay di siya diabetic.

Sa mga kaibigan at naging bahagi ng buhay ni Karantso Marlon prayers at tulong pinansyal need nya at this juncture.