FLM: TULOY ANG TULONG LIBRE SA DINAPIGUE, ISABELA

NGAYON pa lang ay nagpaabot na ng asasalamat ang mga taga-Isabela sa tinaguriang dakilang pilantropo na nakatakdang dumating sa naturang lalawigan partikular sa bayan ng Dinapigue para sa isang humanitarian mission.

Kamakailan ay nagpahatid ng komunikasyon ang pamunuan ng 2nd Isabela Provincial Mobile Force Company ng Alinam,Cauayan City,Isabela sa tanyag na humanitarian advocate at binansagang Pandemic Hero na si Dr.Francis Leo Antonio Marcos PhD lakip ang kahilingang lumawig pa sa kanilang lalawigan ang kanyang nakaugalian nang pagtulong sa mga nangangailangan sa abot ng kanyang kakayahan.

Partikular na ni-request ng sangay na iyon sa Isabela ng Philippine National Police -Republika ng Pilipinas at may lagda ni Acting Force Commander PMAJ George C.Maribbay, na matulungan ang kaniyang mga kababayan sa hayan ng Dinapigue,

Isabela na may 25,000 households mula sa mga barangay nito kung saan ang kahirapan ng buhay ay kumakadena lalo na sa mga Agtas na karamihan sa kanila ay magsasaka,mangingisda at maraming walang pirmihang trabaho.

Mayorya sa populasyon ng nasabing bayan ay di makayang bumili ng mga gamit pansariling necessity tulad ng salamin sa mata at wheelchair para sa mga taong may kapansanan ,gayundin ang kakapusan sa pagkain.

Markado na sa mga tao sa dakong norteng iyon ng bansa ang likas na ugali ni FLM na matulungin at di tumatanggi sa mga nangangailangan ng kalinga at pagiging bukas -palad ay agad na pinaunlakan ang naturang kahilingan sa bayani ng bayang Apo Francis Leo Marcos na tinagurian ding Agila ng Isabela.

"Basta sa abot ng aking makakaya ay di natin mapapahindian ang ganitong uri ng kahilingan para sa kapakanan ng mamamayan," wika ni FLM sa panayam ng GilasNews, Dannisimon Action at Balitang FLaMe .

Ang humanitarian mission para sa iko- conduct na community outreach program sa Dinapigue ay aarangkada sa Enero 31 hanggang Pebrero 1,2026.

" Our purpose is to elevate their means of living and to boost the morale and welfare of our fellow Isabelans", ayon naman sa kalatas ni Maribbay.

Kahilingan niya kay FLM na mabiyayaan ang mamamaysn ng lunan ang nasa 25,000 pares ng eyeglasses with frame and lenses;70 sacks of 25 kilo rice at 20 wheelchairs para sa PWD's atbp.

Ang naturang liham kahilingan ay may petsang Enero 17,2026 at mismong sa araw na iyong nakarating ang komunikasyon ay wala nang dalawang salita pa at aprubado ora-mismo ni FLM ang letter of request.

Sa kasalukuyan ay iniimpake na ang mga ipamamahagi sa mamamayan ng Dinapigue.