LBP TINGZON CUP: NU VS THUNDERZ -KBA VS ATENEO

MAGHIHIWALAY ng landas ang UAAP champion National University Bulldogs at PK Holdings Thunderz sa kanilang paghaharap ngayong umaga sa pagpapatuloy ng Liga Baseball Philippines Tingzon Cup sa Rizal Memorial Baseball Stadium sa Maynila.

Ang Bulldogs Amigos at Thunderz ay parehong may kartadang 3-1 panalo-talo kang saan ang mangingibabaw ay tatabla sa leading IPPC Hawks na may 4-1 kartada.

Ang NU ay binubuo ng mga manlalarong produkto ng UAAP 86th season champion sa timon ni coach Romar Landicho.

Matapos ang umagang bakbakan ay susundan ito ng hatawan sa pagitan ng KBA Stars ni Keiji Katayama kontra winless na Ateneo Blue Eagles bandang ala-una ng hapon.

Ang tropang Stars na may kartadang 1-2 ay nagnanais na makabalikwas kontra Eagles na di pa pumapasok sa win column 0-3.

Ang LBP Tingzon Cup ay inorganisa nina Chairman Wopzy Zamora, President Pepe Muñoz at Boy Tingzon na naglalayong ibalik ang glorya ng Philippine baseball.

Ang iba pang koponang kalahok ay ang Dumaguete Unibikers, Samurai Philippines at UST Tigers.