Marathon at basketball sa TOPS Usapan

ISYU sa marathon at basketball ang sentro ng talakayan sa Tabloids Organization in Philippine Sports (TOPS), Inc. ‘Usapang Sports’ ngayon Huwebes sa PSC Conference Room sa loob ng Rizal Memorial Sports Complex (RSMC) sa Malate, Manila

Ang mga paghahanda para sa muling pag-arya ng pamosong Manila Marathon ang ilalahad ni event organizer at dating marathon champion na si Dino Jose sa program ana itinataguyod ng Philippine Sports Commission, Behrouz Persian Cuisine at Pocari Sweat.

Makakasama niya sa media forum ganap na 10:30 ng umaga ang dati ring basketball player at ngayon community-based basketball organizer at health advocate na si Norman Afable,

Inaanyayahan ni TOPS president Nympha Miano-Ang ng pahayagang Bulgar ang mga miyembro, opisyal at sports aficionado na makiisa sa talakayan na mapapanood din via live streaming sa TOPS Usapang Sports officials Facebook page, sa Bulgar Sports at sa Channel 8 Pinoy Ako (PIKO) – ang pinakabagong network apps na libreng mada-download sa Android phone.