Mensahe ni PBBM sa mga bagong halal na Bgy. at SK officials: Maging tapat sa lahat ng oras

BUONG lugod na binabati ni Pang. Ferdinand "Bong bong" Marcos Jr. ang lahat ng mga bago at muling nahalal na punong barangay at Sangguniang Kabataan officials.

Hinimok ni Pangulong Marcos ang mga nahalal na opisyal na maging tapat sa lahat ng oras.

Payo ni Pangulong Marcos, unahin lagi ang kapakanan ng mamamayan na siyang dahilan kung bakit gustong magsilbi ng mga nahalal.

Batay sa ulat na natanggap ni Pangulong Marcos mula kay Commission on Elections chairman Erwin Garcia, naging maayos ang katatapos na BSKE kaya naman nagpasalamat ito sa mga tumulong.

Binigyang -diin ni Marcos ang kahalagahan ng barangay officials na aniya'y siyang kaharap ng mga tao sa araw-araw.

Silang mga opisyal aniya ang tinatakbuhan para makatulong sa mga problema.EM