IN GOD WE TRUST
MGA TRIBU SA BANSA KINALAMPAG NA ANG NCIP LEADERSHIP
Blog post description.
NEWS
8/24/20262 min read
ISANG 'show of force'na ang ipinamalas ng mga tribu mula Central Luzon nang sila ay lumusob sa National Council of Churches in the Philippines sa EDSA, Lungsod Quezon kamakalawa upang ipanawagan sa administrasyon ang radikal na pagbabago sa liderato ng National Commission for Indigenous People(NCIP).
Mayorya sa kanila ay mga IP's na galing Capas, karatig-Bamban hanggang Pampanga tungong Norte habang ang mga taga -Visayas at Mindanao ay sumusuportang- moral na nagpapataas sa adrenaline ng mga tribung ang klamor ay mapalitan ang ninombrahan ni PBBM na pinuno ng NCIP.
Anila ay walang anumang konkretong proyekto para sa kanilang kapakanan ang NCIP head na pinalala pa ng ora- oradang pagkamkam ng mga lupain ng mga intruderong walang pakialam at walang kortesiyang basta pumapasok sa kanilang lupaing kaloob na sa tribu since time immemorial.
Pinakamalakas ang tinig ay si United Indigenous Peoples of Luzon Visayas and Mindanao( LuzViMinda) Chairman Datu Dalampangan Enrique Gavileno upang iparating sa kinauukulan ang kanilang hinaing.
" Kami ng mga katutubo sa Luzon ,Visayas at Mindanao ,hindi namin nararamdaman ang ginagawa ng NCIP para sa amin, kung ano ang programa na para sa IP na dapat ay pangunahan nila na magkaisa lahat ng mga katutubo.
Nasa Section 7 ng IPRA Law ang right to ancestral domain na tayong katutubo ay karapatan natin yan.Pero pilit na ila- landgrab ng mga may salapi at kapangyarihan, mga politician kasama ang mga tao sa ahensya ng gobyerno ,ang masakit dito 'tung bagong appoint ni Pangulo sa NCIP , nais niyang tanggalin ang ating Customary Law pre and prior and inform consent at siya na lang ang magdedesisyon at hindi na kailangan ipaalam sa amin ang mga desisyon ,anong klaseng leader siya? Di nga alam ng Pangulo kung may clearance siya sa Ombudsman.
Dapat malaman ng chairperson na "walang NCIP kung walang IP" kaya di siya dapat nagsasamantala sa puwesto sa opisina nating mga katutubo .Atin ang inookupahan niyang opisina. Yung mga malalaking desisyon na may kaugnayan sa IP tulad ng program na Pax Silica sa Capas ay di kami kinokonsulta na isang maliwanag na pambabastos sa tribo," wika ni Datu Dalampangan." Di kami tutol sa devopment ng pamahalaan para sa bansa pero dapat ay ang kaukulang respeto ay ipinagkakaloob sa amin ," dagdag pa ni Gavelino.
Ayon pa sa dating kawani ng FM adminstration ni Apo Lakay Marcos, matibay ang pundasyon ng kanilang suporta kay PBBM kaya marapat lang na maka- Katutubo ang bawat desisyon ng NCIP chairperson.
Ang IP's sa buong bansa ay humigit - kumulang sa 18 milyon.
Address:
Raedang International Builder and Developer, Inc.
#81 Andamiro Bldg. A. Santos Ave., Sucat, Parañaque City
To God Be the Glory
since 2023
Editor-In-Chief: Danny Simon
Editor: Enjel Manato ---enjel64@gmail.com