MMA at combat sports bakbakan ng Pinoy's best...EENGKWENTRO NA SA ILOILO!

INIHAHANDOG ng Catalan Fighting System Philippines katuwang ang Munisipalidad ng Sta Barbara ang " Search for Filipino Hero" Philippine Encuentro Championship 25 ang matitinding bakbakan ng best of the best fighter ng mga larangang tanyag ang mga pilipino sa mundo na raratsada sa Marso 23 sa Iloilo City.

Ayon sa organisador ng kaganapang naglalayong makahubog ng bayaning Pinoy na kampeon sa mundo sa paKikipag-encuentro sa malalakas na pambato sa Mixed Martial Arts( MMA), Kickboxing,Sudokwan, wushu at boxing na si Asian Games (wushu) gold medalist Rene Catalan,Sr. magtatagisan ang mga kalahok mula sa iba't ibang panig ng kapuluan.

Main event sa wushu ang bakbakang Alvin Payahay ng Team Guimaras kontra Edemel Catalan ng Sta. Barbara Martial Arts/ CFS sa 115 pounds.

Kasado naman ang mainer sa Sudokwan sa pagitan nina Jared Akzate ng Manahan MMA/ Cavite laban kay Rodny Regalado ng Sta.Barbara Martial Arts% CFS Iloilo sa 110 lbs.

Kinasasabikan din ang pagkrus ng landas nina Noel Keith Castillano ng Batang Pantukan,MM/ Davao del Norte vs Rene Catalan,Jr. ng Sta. Barbara Martial Arts/ CFS sa 125 lbs.

Walang humpay ang muay thai bakbakan nina Rhino Casipe ng Barotac,Iloilo/ Catalan MMA kontra Francis Nicoyco ng ICS Yard Pavia sa 125 lbs.

Bakbakan sa boksing ang sasaksihan kina Jovi Pindoy ng Laua- an Boxing Team kasapakan si Dave Catalan ng Pututan Iloilo sa 51 kgs.

Pasiklaban ang kababaihan sa kickboxing event kung saan makalaban ni Cherry Lumacang ng Tacloban MMA / Taclkban laban kay Mikaella dela Torre ng Negros Occidental sa t8 kgs.Co-main event ang tunggalian nina Jomari Torres ng Zamboanga MMA/ CFS Makati katapat si Marielle Castillano ng Batang Pantukan MMA/ Davao del Norte sa 115 lbs.

Tunghayan din ang bakbakan nina Sudokwan artists Renlyn Catalan ng Sta Barbara,Iloilo/CFS kalaban si Princess Rizol ng Barotac Nuevo Iloilo ICS sa 43 kgs.

Isa pang boxing bout ang raratsada sa pagitan nina Keft Castor ng Calinog Boxing & MMA Camp gayundin ang bakbakan nina Rommel Catalan,Jr. ng Sta.Barbara Iloilo/ CFS kontra Zypril James Crueldad ng Pototan,Iloilo sa 30 kgs. na susundan ng boxing bout nina Gideon Salazar ng Hard Knocks Boxing Gym laban kay John Carl Cordero ng Somcio Boxing/ Roxas Boxing Team sa 125 lbs.

Sisiklab din ang boxing bout nina Ben Ben Poras ng Pototan ,Iloilo versus Ali John Tubongbanwa ng Sta.Barbara Iloilo/ CFS.

" Inaanyayahan natin ang lahat ng mixed martial arts at combat enthusiasts partikular sa lalawigan ng Iloilo na saksihan ang de -kalidad na bakbakan sa lona in search for Filipino heroes na bahagi ng Philippine Encuentro Championship 25," wika ni Catalan,Sr. na siya ring nagtatag ng Catalan Fighting System Philippines.