IN GOD WE TRUST
mp: DXD INVITATIONAL PICKELBALL TILT, HAHAMBALOS SA MALOLOS!
KATUWANG ang automotive care at detailing company na DXD South Detailing sa patuloy na paglago ng pickleball sa Pilipinas bilang eksklusibong Presenting Partner ng kauna-unahang DXD Invitational Pickleball Tournament na gaganapin sa Disyembre 6, 2026, sa Bang Bang Bebu sa Malolos, Bulacan.
SPORTS
Ni Danny Simon
11/13/20261 min read
KATUWANG ang automotive care at detailing company na DXD South Detailing sa patuloy na paglago ng pickleball sa Pilipinas bilang eksklusibong Presenting Partner ng kauna-unahang DXD Invitational Pickleball Tournament na gaganapin sa Disyembre 6, 2026, sa Bang Bang Bebu sa Malolos, Bulacan.
Inorganisa ng bagong tatag na USAD Pickleball League (UPL), layunin ng isang araw na torneo na tipunin ang hanggang 232 manlalaro mula sa iba’t ibang antas ng kasanayan, sa pamamagitan ng organisadong kompetisyon, pakikilahok ng komunidad, at kapanapanabik na paligsahang isasagawa sa propesyonal na antas.
Kilala ang DXD South Detailing sa mga serbisyo nito sa automotive detailing at mga produktong pangangalaga ng sasakyan. Ito rin ang awtorisadong distributor sa Pilipinas ng Artdeshine, isang automotive care brand na nakabase sa Singapore na dalubhasa sa mga advanced coating, proteksiyon sa pintura, at iba pang solusyon sa car detailing.
Bukod dito, mayroon ding sariling linya ang kumpanya ng mga produktong pangangalaga at maintenance ng sasakyan, kabilang ang car shampoo, mga panlinis, at mga sealant na nagbibigay-proteksiyon sa pintura.
Para sa DXD South Detailing, natural na hakbang ang pagsuporta sa pickleball bilang pagpapalawak ng ugnayan nito sa komunidad at sa mga content creator na naging bahagi ng paglago ng kanilang brand.
“Unti-unti naming minahal ang pickleball, hindi lamang bilang isang sport kundi bilang paraan din upang makaugnayan at mas mapalapit sa aming mga affiliate,” pahayag ni Ivy Dolotalles, co-owner ng DXD South Detailing.
“Para sa amin, ang pagsuporta sa torneyong ito ay isang natural na paraan upang makapagbigay-pabalik sa komunidad na sumuporta sa amin sa loob ng maraming taon. Isa itong pagkakataon upang pagsama-samahin ang lahat, patatagin ang aming mga ugnayan, at higit sa lahat, masiyahan sa larong mahal naming lahat,” dagdag niya.
Tampok sa DXD Invitational ang Men’s Doubles, Women’s Doubles, at Mixed Doubles sa apat na antas ng kasanayan: Beginners, Novice, Low Intermediate, at High Intermediate.
Gagamit din ang torneo ng DUPR-recorded competition, na magbibigay-daan sa mga kalahok na maitala at mapalago ang kanilang competitive records sa pamamagitan ng mga organisadong laban.
Para sa pagpaparehistro at karagdagang impormasyon tungkol sa torneo, bisitahin ang:ms:ms:https://dinkdistrictph.com/dxd
Address:
Raedang International Builder and Developer, Inc.
#81 Andamiro Bldg. A. Santos Ave., Sucat, Parañaque City
To God Be the Glory
since 2023
Editor-In-Chief: Danny Simon
Editor: Enjel Manato ---enjel64@gmail.com