MUSLIM MINDANAO AT NATIONWIDE SOLID SA BAGONG PILIPINAS PARTY LIST 146

TINIYAK ng Muslim community sa Mindanao at sa buong kapuluan ang solidong suporta sa bagong Pilipinas Party list (146) para maging bahagi ng susunod na August Chamber sa Mababang Kapulungan.

Ayon kay BPPL nominee Ronniel Manumbale, sa kanilang pakikipag-ugnayan sa mga Kapatid na Muslim sa Kamindanaoan partikular sa National Liberation Front (MNLF), buong-buo ang suporta ng kanilang lipi sa legit na party list pati na din sa ibang sektor ng lipunan na nangangailangan ng tunay na paglilingkod.

"Nagpapasalamat ang Bagong Pilipinas Party list sa ating mga Kapatid na Muslim sa Mindanao sa kanilang solidong suporta sa Bagong Pilipinas. Kanila kasing naramdaman na ang serbisyo natin kahit na noong malayo pa ang halalan. Instrumental din ang naging positibong ugnayan sa kanila ni BPPL top nominee Atty. Alfredo Bayan, Usec ng Department of Interior and Local Government for Mindanao Affairs and Special Concerns", pahayag ni Manumbale.

Kamakailan ay ninombrahan si future legislator (BGen) Manumbale bilang bagong designated na GenStaff G6 BCCL MNLF at MNLF Luzon.

Si Chairman Nur Misuari ang pinuno ng MNLF.