Musmos na si Marius Constante, wagi sa 5-Round Chess tilt sa Cebu

ISANG di malilimutang pagpapakita ng galing, tiyaga, at tibay ng loob ang ipinamalas ng walong taong gulang na si Marius Constante, na naging bituin ng palabas.

Nagpakita siya ng kahanga-hangang pagganap at nakagagawa ng nakakagulat na pagbabalikwas sa pamamagitan ng panalo sa lahat ng kanyang laban upang makuha ang kanyang kauna-unahang pambansang titulo sa 2025 Philippine Children Chess Championship Under 8 Boys division na ginanap noong Hunyo 10 hanggang 13, 2025 sa Gmall of Cebu, Cebu City.

Ang incoming Grade 3 pupil mula sa Novaliches, Quezon City, na top seed sa torneong ito ay nagpakita ng walang kamali-mali na pagganap na may limang panalo sa limang-round Swiss System format na paligsahan ng National Chess Federation of the Philippines. Ang kanyang perpektong puntos ay nakapag-ungos sa pangalawang seed na si Zeus Mael Bernil, na nakakuha ng pangalawang puwesto na may apat na puntos, habang sina Stefhen Anchita, Phil Rholand Templonuevo, Chezy Sage Knyckxon Tee at Mikhail Paul Nathan Leyco ay naghati sa ikatlo hanggang ikaanim na pwesto, ayon sa pagkakasunod-sunod, na may tig-3.5 puntos.

"Masaya po ako at sobrang nagpapasalamat sa Panginoon dahil binigyan niya ako ng tagumpay na ito," sabi ni Constante, na naglaro sa gabay nina Arena Grandmaster Jose Rafael "Jojo" Legaspi at FIDE Master Noel Dela Cruz.

Sinimulan ni Constante ang kanyang kampanya nang may matinding sigla, na tinalo sina Kyle Ahmar Impas sa unang round, Franz Mikhael Demure sa ikalawang round, Phil Rholand Templonuevo sa ikatlong round, Magnus Mikhail Barba sa ikaapat na round at Stefhen Anchita sa ikalima at huling round.

Si Mary Ann Zabanal Constante, ang proud mother ni Marius, ay nagpasalamat kina Jose Rafael "Jojo" Legaspi at Coach Noel Dela Cruz para sa paghahanda sa kanyang anak, lalo na ang mga aral na natutunan sa kanilang pagsasanay.

“Salamat po kay Sir Jose Rafael "Jojo" Legaspi at Coach Noel Dela Cruz sa pagbibigay ng lubos na suporta kay Marius. Dahil sa kanilang suporta sa mga paligsahan at pagsasanay ni Marius, nagawa niyang gumanap nang maayos sa mga paligsahan,” aniya.

Ang batang si Constante ay sariwa pa sa 8th overall strong finished na may 5.0 puntos sa pitong laban mula sa limang panalo at dalawang pagkatalo sa dalawang araw (Sabado at Linggo) na Metropolitan Chess Club Standard Chess Tournament na ginanap sa Starmall Complex, Shaw Boulevard sa Mandaluyong City, na inorganisa ng dating Olympian na si WNM Mila Emperado.