MVP si 'KDL'!

The future is now.

Sa kanyang sophomore year pa lamang, si Kacey Dela Rosa, na kinikilala bilang isa sa mga magiging haligi ng Gilas Pilipinas Women, ay kinoronahang Most Valuable Player sa UAAP Season 86 Women’s Basketball Tournament.

Sa 19 na taong gulang pa lamang, binago ng 6-foot center ang kapalaran ng Ateneo de Manila University, na nanguna sa Blue Eagles sa back-to-back Final Four appearances matapos makausad sa semis sa nakalipas na apat na season.

Gayunpaman, iginiit ni Dela Rosa na hindi siya out for individual accolades.

“Masaya pero bonus lang itong individual award na ito kasi ang goal namin ay mag-champion talaga,” saad ni Dela Rosa kung saan ang championship ng Ateneo sa sport ay noon pang Season 70 (2007).

Si Dela Rosa, na Rookie of the Year noong nakaraang season, ay nag-average ng 19.57 points, 12.0 rebounds, 2.64 blocks, at 1.5 steals kada laro, na nakaipon ng 83.857 statistical points para mapanalunan ang MVP title—ang una para sa Ateneo mula nang maangkin ni Cassy Tioseco ang pinakamataas na karangalan sa UAAP Seasons 69 at 70 (2006-07).

Ang runner-up Kay Dela Rosa ay ang Congolese center ng Far Eastern University, si Josee Kaputu.

Nag-average si Kaputu ng 21.93 points, 14.5 rebounds, at 1.57 steals kada laro para makaipon ng 82.0 SPs.

Parehong student-athletes ang headline sa Mythical Team, kasama sina Kent Pastrana ng UST (77.7 SPs), Junize Calago ng Ateneo (70.7), at Tantoy Ferrer ng UST (68.5).

Si Pastrana, ang UAAP Season 82 Rookie of the Year at Mythical Team member noong nasa De La Salle University pa siya, ay nag-average ng 17.64 points, 5.64 rebounds, 2.29 assists, at 3.0 steals kada laro.

Samantala, si Calago, isang sophomore guard na tulad ni Dela Rosa ay nagmula sa Chiang Kai Shek, ay nag-average ng 14.21 points, 8.36 rebounds, 3.5 assists, at 2.07 steals sa elimination round.

Sa wakas, si Ferrer, ang UAAP Season 81 Rookie of the Year at isang graduating forward, ay naglagay ng mga numerong 12.0 points, 7.07 rebounds, 2.79 assists, at 2.29 steals kada laro.

Tinanghal din si Favor Onoh bilang Rookie of the Year.

Ang 18-anyos na Nigerian center, na nagtapos sa Carlos L. Albert High School sa Quezon City noong unang bahagi ng taon, ay nag-average ng 10.07 points, 13.93 rebounds, 3.21 blocks, 1.29 steals, at 1.21 assists sa elimination round.

Si Onoh ang ikaapat na Rookie of the Year sa UP pagkatapos ni Camille Dowling (Season 62 - 1999), Sai Sadorra (Season 68 - 2005), at Justine Domingo (Season 80 - 2017).(EM)