National Open C'ship sa Kalibo...RAVEN SIKARAN TANAY READY NA SA BAKBAKAN SA AKLAN!

HANDA nang idepensa ng GSF Raven Sikaran Tanay ang titulo sa pagsambulat ng mga aksiyon ngayon sa prestihiyosong Sikaran National Championship 2025 sa Kalibo, Aklan.

Ayon kay team delegarion head Nicole Catolos, determinado ang buong koponan na ipagpatuloy ang winning tradition ng GSF Raven Sikaran na siyang motibasyon ni founder/ president Master Crisanto Cuevas sa kanilang best bets sa naturang traditional sport.

Ang powerhouse Tanay squad ay binubuo nina (Black Belt) Sannoel Celestino, Jonel Catolos,Tyron Reyes at Jhessele Mae Tarel habang sa white belt division ay kinabibilangan nina Reynavel Regala, Yhumi Lanna Luklukan,Haley Zendria Canonigo, Kenzo Lucas Canonigo, Lord Brix Campo, Sheena Persia, Mhajo Custodio, Daniel Zeuz Ivadz Matienzo,Vhieniz Ivadz Matienzo at Vienuz Ivadz Matienzo.

Bukod sa defending champion GSF Raven Sikaran ng Tanay, Rizal nagtatangka rin para sa titulo ang GSF Wildcat Sikaran Pasig,GSF Masbate Sikaran, GSF Manduyong Sikaran, GSF Capiz Sikaran, GSF Mambusao Capiz Sikaran,GSF Dela Cruz Brothers Sikaran.GSF Cebu Cebu at host Black Scorpion Arnis Aklan.

" Mahigpitan ang bakbakan ngayon dahil lahat ay nag-prepare upang gapiin ang ating koponang defending champion. Sikaran na!," sambit ni Master Cuevas.

Bago ang bakbakan ay idaraos ang makulay na pambungad seremonya kung saan ay iwe-welcome ang mga bisita at delegasyon ni Banga, Aklan Municipal Mayor Noel 'Boy' Redison at maghahayag ng kanyang mensahe ang panauhin pandangal na si Cong. Papa Jess Marquez.