NCAA ROOKIE CHESS AWARDEE LAIT TUTOK SA NOVA WELLNESS CHESSFEST NGAYON

Nakapokus si Vladimir Lait, isang Grade 12 student ng Mapua University sa panibagong titulo ng chess sa pagsabak niya sa 2025 Nova Wellness Store Standard Chess Tournament na gaganapin ngayon Sabado, Enero 25, 2025 sa Met Live, Metro Park, EDSA Extension corner Pres. Diosdado Macapagal Blvd, Pasay City.

Ang taga-Pasig City na si Lait ay sariwa pa mula sa pagkampeon sa Don Tomas Mapua Centennial Chess Cup presents GM Eugene Torre Rapid Tournament na ginanap sa Mapua Gymnasium sa Intramuros, Manila noong Enero 18, 2025. Si Lait, ay umiskor ng perpektong 7.0 puntos para makopo ang titulo.

"I hope to perform well in the 2025 Nova Wellness Store Standard Chess Tournament," sabi ni Lait, na nagwagi ng Rookie of the Year award sa NCAA Season 100 o sa 2024–25 season ng National Collegiate Athletic Association chess team tournament.

Kalahok din sina Emmanuel Barbosa, Gene Kenneth Estrellado, Jin Clark Myco Miranda, Ferdinand Palermo, Joel Obogne, Jay Fortunado, Israel Cohen, Kirk Anthony Vidad at Gener Subia.

Nakalaan sa magkakampeon ang P10,000 sa 1-day event, na inorganisa ng Kaizen Knights CD Chess Club ant ni International Master Jan Emmanuel Garcia na suportado nina Mr. Travis Vincent Chua, Nova Wellness Store at ng Starshots Coffee.