NYBL, PAI sabak sa TOPS Usapan

Sentro ng talakayan ang programa sa grassroots sports development sa basketball at swimming sa pagbabalik ng Tabloids Organization in Philippine Sports (TOPS) ‘Usapang Sports’ ngayon Huwebes sa PSC Conference Room sa loob ng Rizal Memorial Sports Complex.

Inaasahang maglalahad ng mga kaganapan sa local aquatics si Philippine Aquatics Inc. (PAI) Executive Director Chito Rivera kasama si diving coach at dating SEA Games champion Nino Carog.

Makakasama nila sa programa ganap na 10:00 ng umaga sa pagtataguyod ng Philippine Sports Commission (PSC), Behrouz Persian Cuisine at Pocari Sweat ang mga opisyal ng National Youth Basketball League (NYBL) Pilipinas D-League, sa pangunguna ni coach Fernando Arimado.

Inaanyayahan ni TOPS president Maribeth Repizo ng Pilipino Star Ngayon ang mga miyembro at opisyal, gayundin ang mga sports enthusiasts na makiisa sa talakayan sa program ana mapapanood din via liver streaming sa TOPS Usapang Sports Facebook page, Bulgar Sports FB at sa Channel 8 ng Pinoy Ako (PIKO) – ang pinakabagong mobile network apps na libreng mada-download sa Android phone.