PACQUIAO-ELORDE AWARDS NIGHT SA MARSO 24: IBJ Rey Danseco 'BOXING JUDGE OF THE YEAR 2023' AWARDEE

Sa unang pagkakataon gaganapin ang Pacquiao -Elorde Awards Night sa darating na Marso 24, 2024 sa magarbong Grand ballroom ng OKADA Manila.

Pinagsanib ng dalawang maalamat na pangalan sa Boxing - ang PACQUIAO at ELORDE mula sa bago at lumang panahon ayon sa pagkakasunod, ang kapana-panabik na kaganapang ito ay magbibigay ng pagkilala at karangalan sa pinakamahusay at pinakamatalino sa Philippine Professional at Amateur Boxing kaakibat ang mga personalidad na responsable sa pagbuo ng isport tulad ng ang Gabriel “Flash” Elorde Memorial Awards Banquet of Champions na ating tinangkilik sa nakalipas na 23 taon.

Bilang pamatid, magkakaroon din ng mga boxing match na magsisimula sa ganap na 2:00 ng hapon pagkatapos nito ay ang Banquet at Awarding Ceremonies.

Nangangako ang kaganapang ito na isa ring pagtitipon at muling pagsasama-sama ng Boxing Champions sa nakaraan at kasalukuyan kasama ng ating mga Promoter, Managers, Judges, Referees, Trainers, Matchmakers, ring physicians, timers, at iba pa.

Sa naturang makulay na okasyon pararangalan si international judge Rey Danseco bilang Boxing Judge of the Year 2023.

"Para sa iyong walang humpay na pagnanasa bilang INTERNATIONAL BOXING JUDGE, ang selection committee nitong 1st PACQUIAO ELORDE AWARDS ay nagkakaisa na pinili ka para tumanggap ng prestihiyosong parangal bilang, BOXING JUDGE OF THE YEAR 2023," saad ng ipinadalang liham-imbitasyon ng selection committee ng 1st Pacquiao Elorde Awards kay Danseco.

International Boxing Judge Rey Danseco