Pencak Silat Gold,Silver at Bronze sa Batang Pinoy Gensan 2025.. IUUWI NG TEAM LANAO SA MARAWI

GENERAL SANTOS CITY-Nadagdagan ang isang gold medal haul ng Team Lanao sa Regu category ng trio nina Jonaem Rachman, Muhammad Hussein Tanaon at Abdurrahman Baro ng Secap MSU ILS ng Marawi City sa Lanao del Sur kamakalawa, isa pang silver medal at isang bronze kahapon ang iuuwi ng koponan sa kanilang balwarte.

Humataw ng pilak si Sodaiz Marohombsar ng Alfussilat Dragon Nusantara sa Solo Artistic ng Pencak Silat Sports event for Batang Pinoy National Championship Gensan 2025 sa Activity Center ng SM GSC dito.

Ang MSU KC team Lanao ay tinanghal na bronze medalist

" Medal of any color is always a productive development for the campaign of our young team.Our kid athletes are determined to perform at their best in the next Batang Pinoy", wika ni Team Manager Lanao Dir.Benjamin Alangca na nagbigay- pugay kay head coach Jamel Hussein Matombsar at nagpahayag ng espesyal na pasasalamat sa Sports Coordinator ng Lanao del Sur at Marawi City, sa organisador ng grassroot sports devopment na Philippine Sports Commission sa pamumuno ni Chairman Patrick 'Pato Gregorio at host na General Santos City sa liderato ni Mayor Lorelie G.Pacquiao.

Samantala, sa jiujitsu event, di pinaporma ni Charlie Ratcliff ng Quezon City ang katunggaling si Rafaela Isabel Sumera,3-0 upang saklitin ang ginto sa juvenile girls( 16-17) 48 kg.featherweight division sa bakbakang humataw sa Lagao Central Elementary School Gym.

Ang bagong koronadang AYG mixed martial arts gold medalist na si Ratcliff ay dinomina muna sina Denicah Louise Untalan sa quarters at Raesse Margarette Reyes sa semis.

Sa swimming event na lumarga sa Acharon Sports Complex, dinomina ni Manileñas finest Patricia Santor ang pool sa kanyang double gold( 200m butterfly- 4x40 meters freestyle relay team) swim upang magtampisaw ang young Manila tankers team sa standing.

Ang golden performance ni Santor ay instrumental din sa pagratsada Miyerkules ng hapon ng Manila sa medal tally 19-16-17 g-s-b ayon sa pagkakasunod upang sapawan ang unang pamamayagpag ng koponang Baguio City.

MSU-KC team Lanao