PH PENCAK SILAT SASABAK SA ASIAN C'SHIP SA VIETNAM

HANDA nang sumabak ang cream of the crops ng Philippine Pencak Silat sa prestihiyosong torneo sa larangan na idaraos sa Vietnam.

Ang 9th Asian Pencak Silat Championship ay raŕatsada sa Ha Tinh Province sa Vietnam mula Hulyo 22 hanggang 31,2025 kung saan ay misyon ng best bets ng bansa na makapag-uwi ng ' medal of any color for valor' para sa bayan.

Kasalukuyang nasa marubdob na ensayo ang pambansang koponan sa Philippine Sports Commission National Training Center sa Baguio City sa timon nina tanding coach Andy Zulkarnaen ( Indonesian) local coaches Christopher Yabut,Nerlyn Huinda at Ronald 'Rapido' Perena habang ang artistic naman ay sa gabay nina coach Ellvia Zulkarnaen( Indonesian) at local coaches Irendin Lepatan at Jefferson Loon.

" Powerhouse ang Indonesia at Vietnam pero kaya nating makipagbakbakan ng sabayan at posibleng makasilat tayo ng malaking panalo dahil determinado at kayang humarap kanino man matapat ang ating pangkat..go 'Pinas pencak silat!,wika ni coach 'Rapido' Pereña.

Ang laban ng Philippine Pencak Silat na pinamumunuan ni NSA president Princess Kiram katuwang si secgen Inier Candor ay suportado ng Philippine Sports Commission.