IN GOD WE TRUST
PHILIPPINE ENCUENTRO C'SHIP SA CFS MAKATI CITY, FIGHT NA!
HIGIT sa tatlumpung pares ng mandiirigma sa cage .ang magsasalpukan sa panibagong edisyon ng Philippine Encuentro Championship (PEC) Search for New Heroes na hahataw ngayong araw (June 6, 2026) sa CFS Gym sa Tejeros, Makati City.
SPORTS
ni Danny Simon
6/5/20261 min read
HIGIT sa tatlumpung pares ng mandiirigma sa cage ang magsasalpukan sa panibagong edisyon ng Philippine Encuentro Championship ( PEC) Search for New Heroes na hahataw ngayong araw (June 6, 2026) sa CFS Gym sa Tejeros, Makati City.
Tampok sa sagupaan ang engkwentro nina AJ Subido ng Team ADF-GM Rosaĺes kontra Jarib Islam ng Team RLIMA SA MMA 130lbs.
Bakbakang walang puknat naman ang ipamamalas sa boxing event 57 kg nina Henry Abayon ng ADF Fitness laban kay Randy Porras ng team Fairoest Traditional Karate.
Sa Sudokwan ay magbabakbakan sina John Wayne Castillano ng Kingtone MMA kontra Joephrey Marin bilang main event ng PEC.
Sa Superfight ay tampok ang enkwentro nina Jimmy Balderas ng Team Kamao versus Cholo Estrella ng Team Estrella sa MMA 155 lbs.
Magsasalpukan sa K1 sina Owen Garcia ng Team KFA Bibangonan laban kay John Mark dela Cruz ng Traditional Karate.
Masasaksihan din ang bangis ng kabataang fighters sa Superfight Sudokwan sa pagitan nina John Mark Dalundunan at Ricky Almario,
Ang mga nakahanay pang mandirigma sa fightcard ay sina Yuri Angelo Garcia vs Ivan Hardy Bagon sa K1,Lloyd Galagar vs Mark Joseph Encomienda sa K1,Ybes Mendoza vs Jatib Islam sa K1, Aaron Migz Gomez vs Akon Penaflor sa boxing,Junix Salamida vs Renren Gallo sa K1, Dennis Ramirez vs Lean de Guzman sa K1, Edelmark Catalan vs Gerald Gumalas sa Superfight K1,Erlie Tariao vs Jurly Andaya sa MMA at iba pa.
"Umaatikabong aksiyon sa ating Encuentro ang masasaksihan ngayon sa Catalan Fighting System Gym sa Makati. This our project for a cause para sa ating mga matitikas na fighters mula sa mga kilalang fight clubs sa bansa.The search continues for new heroes..Encuentro na!", wika ni event organizer dating Asian Games Doha 2006 wushu gold medalist Rene Catalan ng Pilipinas.
Address:
Raedang International Builder and Developer, Inc.
#81 Andamiro Bldg. A. Santos Ave., Sucat, Parañaque City
To God Be the Glory
since 2023
Editor-In-Chief: Danny Simon
Editor: Enjel Manato ---enjel64@gmail.com