Philippine Muay Team Sasabak sa Sandakan, Malaysia

PITONG pambatong Pinoy combat fighters ang nakatakdang sumabak ngayong weekdays sa Sandakan, Malaysia.

Pamumunuan ng Catalan sibling ang Philippine Muay Team para magpamalas ng bangis sa martial arts na lalaban para sa bayan.

Si Edemel ‘The David Catalan , 20 anyos ay babakbak sa muay Thai bitbit ang 20-0-0 MMA record at Rene ‘ The Israel Catalan na may MMA record na 14-3-0 na kapwa pambato ng Team Catalan Fighting System.

Kabilang din sa Philippine muay best bets ng suportado ng Lungsod Maynila, Nanucell,Batang Atleta, NBA Fitness Center at CFS sina Joemar Galleza ng Gym Club Team Silent MMA na may pro record na 18-4 at amateur card na 31-16, Kier Biron ng Gym Club Div.26, Jerome Balualua ng Fierce Tigers/ University of Baguio Cardinals na may amateur fight record na 21-4-0 habang sa distaff side ay binabanderahan ni Lianne Marie Ardenna ng Gym Club Mangkas Combat Sport na may kartadang 10-2-0.

Team head coach si Doha Asian Games 2006 wushu gold medalist Rene ‘The Challenger Catalan katuwang si Team Coach Roque Verangel Mana-ay, Jr. sa timon ni Team Manager si Batang Atleta Chairman Robert James Lagan.

“Handa na sa bakbakan ang ating mga pambatong combat fighter na may misyong mag-uwi ng tagumpay para sa Pilipinas.Suportahan po natin sila,” wika ni Catalan,Sr.