PSAA Aspirant Cup sa TOPS Usapan

Ang kahandaan ng Philippine Schools Athletic Association (PSAA) para sa ilalargang Aspirant Cup ang sentro ng talakayan sa pagbabalik ng Tabloids Organization in Philippine Sports, Inc. (TOPS) ‘Usapang Sports’ ngayong Huwebes (July 3) sa PSC Conference Room sa loob ng Rizal Memorial Sports Complex (RMSC) sa Malate, Manila.

Pangungunahan ni PSAA founder at basketball organizer coach Fernando Arimado ang pagbabalangkas ng detalye sa pinakabagong collegiate conference sa lingguhang sports forum ganap na 10:00 ng umaga.

Makakasama niya bilanbg panauhin sa program ana itinataguyod ng Philippine Sports Commission, Behrouz Persian Cuisine at Pocari Sweat ang mga opisyal at coaches ng mga kalahok na eskwelahan tulad ng Ateneo, Xavier School, National University, UP Integrated School, Mapua, St. Bernadeth College-Alabang, Marist School, St. benedict School, Gracel Christian College Foundation, St. John Worth Integrated School at San Antonio High School-Makati.

Inaanyayahan ni TOPS president Nympha Miano-Ang ang mga miyembro, opisyal at sports enthusiasts na makiisa sa talakayan na mapapanood din via live streaming sa TOPS Usapang Sports Facebook page, Bulgar Sports, Sports Corner at sa Channel 8 ng TVC.