PSL: DAVAO OCC. COCOLIFE TIGERS KALABAN ANG CALOOCAN SA BINAN

ITOTODO ng Davao Occidental Cocolife Tigers ang buong lakas nito upang tapatan ang Caloocan Supremos sa pagpapatuloy ng Pilipinas Super League( PSL) President’s Cup sa Alonte Sports Complex sa Binan, Laguna ngayong weekend.

Kailangang manaig ng defending champion Tigers (5-3) team ng Bautista clan sa Davao Occidental na suportado nina Cocolife president Atty. Jose Martin Loon, SVP Joseph Ronquillo, VP Rowena Asnan at SVP Elmore Omelas kontra isa sa kontender ding Supremos (7-2) upang manatili sa kontensyon para sa mas matinding susunod na round sasandigan pasimuno sina veteran center Kelly Nabong at Bonbon Custodio at mga maasahang bagito pero halimaw na sa hardcourt tulad ng mabangis na tigre.

Ang bakbakang Tigers vs Supremos ay pagninigningin din ng engkwentro ng walang talo sa pagitan ng host Binan Tatak Gel kontra Nueva Ecija Capitals na parehong may kartadang 11-0.

Bumabandera din sa team standings ang San Juan Kings (9-1),Quezon Titans(7-2), SGA CSB (7-2) at 1Munti (7-4).

Kamakailan ay dinurog ng Davao Occ .Tigers Cocolife ang San Pedro Pablo Escobets (5-5)101-79 sa San Juan.