Si Pichay suporta sa kampanya ni GM Antonio sa Australian chess circuit

Bilang paghahanda sa paglahok sa Australian chess circuit sa susunod na buwan, handa nang makipagkumpitensya ang Pilipinong Grandmaster na si Rogelio "Joey" Antonio Jr.

Ang una niyang destinasyon ay ang Doeberl Cup (Abril 2-6) sa Canberra, kasunod ng Sydney International Open (Abril 8-12), at ang huling bahagi ng kanyang paglalakbay ay ang Melbourne International Open (Abril 14-19).

Ang 64-anyos na alamat ng chess ay dating nakuha ang ika-4 na puwesto sa 2025 Doeberl Cup sa Canberra at nakuha naman ang ika-2 na puwesto sa rapid event ng Melbourne International Open.

"Gusto kong pasalamatan si National Chess Federation of the Philippines (NCFP) Chairman/President Cong. Prospero A. Pichay Jr. sa kanyang suporta sa aking kampanya sa Australian chess circuit," ani Antonio, na nanalo ng gintong medalya sa 2025 World Senior Blitz Chess Championships na ginanap sa Gallipoli, Italy, at pilak na medalya naman sa 2025 Thailand Southeast Asian Games sa Bangkok, Thailand.

Si Grandmaster Rogelio "Joey" Antonio Jr. (kanan) ay nag courtesy visit kay National Chess Federation of the Philippines (NCFP) Chairman/President Cong. Prospero "Butch" Pichay Jr. nitong Biyernes, Marso 20, 2026.