Superfights at Main Events sa Ph Encuentro #47 ng CFS Makati City ngayong Disyembre

YEARENDER na bakbakan ang inihahandog ng Catalan Fighting System ( CFS)sa ika -47 edisyon ng Philippine Encuentro Championship- Search for more Filipino Heroes na sasambulat sa Disyembre13, 2025 sa Makati City.

Ayon kay 2006 Asian Games Doha wushu gold medalist Rene Catalan- founder ng CFS at Sudokwan Inc.,tatampukan ang bakbakan sa Kickboxing Super Fight nina Ilonggo bet Edelmark Catalan kontra Cebuano Anthony Rey Divinagracia na susundan ng Boxing Super Fight sa pagitan nina Manileña Jessa Rivera vs Ilongga Jerilen Java.

Kambal na Main Events naman ang eksplosibong matutunghayan kina Caviteno Wayne Villones kontra mapanganib na Jimmy Balderas ng Dumaguete sa Mixed Martial Arts( MMA) at Boxing Mainers nina Uragon Erwin Huen mula Bicol kontra Cebuano Kenneth Cyril Toledo.

Ang naturang bakbakan ay raratsada matapos ang pagdiriwang ng SUDOKWAN INC., 3rd Year Anniversary.

" Tinatawagan natin ng atensiyon ang martial arts community na saksihan at suportahan ang ating Philippine Encuentro Championship- Search for more Filipino Heroes #47.Bakbakan pa more!," wika ni Catalan sa panayam.