UAAP womens basketball: Growling Tigresses ginipit ang Lady Archers, 93-67

Pinalawig ng University of Santo Tomas ang kanilang winning run sa apat na laro sa UAAP Season 86 Women’s Basketball Tournament matapos talunin ang De La Salle University sa wire-to-wire fashion, 93-67, noong Linggo sa Smart Araneta Coliseum.

Napaangat ng Growling Tigresses ang kanilang record sa 7-2 para itabla ang UP Fighting Maroons sa ikalawang puwesto. Nakaipon sila ng average winning margin na 16.75 sa streak na ito.

Nanguna sa lahat ng scorers si Tacky Tacatac na may 17 puntos, limang rebound, at limang assist.

“I’m very happy na nakuha namin yung panalo today,” saad ni Tacatac, a 24-year-old guard out of Tigbauan, Iloilo na nasa ikaapat na taon na. “Nung huli medyo nag-relax lang kaya kailangan pa namin yun i-improve. Kailangan talaga magsimula ng malakas at tapusin ng malakas ang bawat laro."

Ang UST, na pinasabog din ang La Salle sa kanilang unang round encounter, 91-57, noong Oktubre 8, ay hindi nagpakita ng awa sa simula pa lang.

Pinalo nina Kent Pastrana, Tacatac, Santos, at Tantoy Ferrer ang Lady Archers para makakuha ng 50-29 cushion sa halftime break.

Epektibo ang team work ng Growling Tigresses para bigyan ng di masolusyunan na problema ang Lady Archers sa kabila ng halos maagang pagpapatulog sa laro. (ENJEL MANATO)

Iskor:

UST 93 – Tacatac 17, Santos 12, Ambos 11, Pastrana 10, Ferrer 10, Villasin 9, Bron 8, Dionisio 6, Soriano 5, Maglupay 5, Danganan 0, Amatong 0, Ly 0, Serrano 0.

DLSU 67 – Paraiso 12, San Juan 12, Mendoza 12, Binaohan 9, Dalisay 7, Bojang 5, Sario 4, Sunga 4, Dela Paz 2, Bacieto 0, Delos Reyes 0.

Quarterscores: 25-15, 50-29, 81-47, 93-67